موہالی (نیوز ڈیسک) نیوزی لینڈ کرکٹ ٹیم کے کوچ مائیکل ہیسن نے کہا ہے کہ آسٹریلیا اور بھارت کو ہرانے سے ٹیم کا مورال بلند ہے ‘ پاکستانی ٹیم سے متعلق کچھ نہیں کہہ سکتے۔میڈیا سے گفتگو کرتے ہوئے مائیکل ہیسن نے کہاکہ آسٹریلیا اور بھارت کو ہرانے سے گروپ میں فیورٹ بن چکے ہیںاور ٹیم کا مورال انتہائی بلند ہے لیکن پاکستانی ٹیم سے متعلق کچھ بھی نہیں کہا جا سکتا کیونکہ یہ کچھ بھی کر سکتی ہے۔ انہوںنے کہاکہ پاکستان کے خلاف بہترین کھیل پیش کر کے کامیابیوں کا تسلسل برقرار رکھنے کی بھرپور کوشش کریں گے ۔انہوں نے کہا کہ پاکستانی ٹیم کسی بھی وقت اپ سیٹ کر دینے کیلئے مشہور ہے اس لئے بھرپور حکمت عملی کے ساتھ میدان میں اتریں گے۔