کولکتہ (نیوزڈیسک) ٹی 20ورلڈکپ میں بھارت کے خلاف بڑے میچ میں پاکستانی شاہینوں کا حوصلہ بڑھانے کیلئے 92ورلڈ کپ کی فاتح ٹیم کے 4کھلاڑی کولکتا میں موجود ہوں گے۔ میڈیا رپورٹ کے مطابق ورلڈ کپ کے اہم میچ میں بھارت کو کیسے ہرانا ہے؟ ٹیم کی حکمت عملی کیا ہونی چاہیے ؟ دباﺅ کا مقابلہ کیسے کرنا ہوگا؟ ان سب سوالوں پر پاکستان ٹیم کو مشورے دینے کےلئے بھارت میں ورلڈ کپ 92کی فاتح ٹیم کے چار بڑے کھلاڑی موجود ہونگے۔ورلڈ کپ 92 کی فاتح ٹیم کے کپتان عمران خان نے کہا کہ اپنے تجربے کی روشنی میں کھلاڑیوں کو میچ جیتنے کے مشورے دوں گا۔انضمام الحق نے کہاکہ اس مرتبہ گرین شرٹس بھارت کوہرا دیں گے رمیز راجا نے کہہ دیا کہ بھارت کو ہوم گراﺅنڈ پر ہرانے کےلئے سخت محنت کرنا ہو گی وسیم اکرم نے کہاکہ اگر شروع کے اوورز میں بھارت کی2و کٹ گر گئیں تو بھارت دباﺅ میں آ جائےگا ۔