کولکتہ(نیوز ڈیسک ) ٹی ٹوئنٹی ورلڈ کپ کے دوسرے میچ میں پاکستان کی بنگلا دیش کے خلاف بیٹنگ جاری ہے۔ کولکتہ کے ایڈن گارڈن کرکٹ اسٹیڈیم میں کھیلے جا رہے میچ میں پاکستان کے کپتان شاہد آفریدی نے ٹاس جیت کر پہلے خود بیٹنگ کا فیصلہ کیا۔ اس موقع پر شاہد آفریدی کا کہنا تھا کہ وکٹ بیٹنگ کے لئے بہت سازگار ہے اور ہم چھ بلے بازوں اور 2 آل راؤنڈرز کے ساتھ گراؤنڈ میں اتر رہے ہیں۔ یہ بات ٹھیک ہے کہ ہماری بیٹنگ گزشتہ کئی ماہ سے مشکلات کا شکار ہے لیکن اچھی بیٹنگ کی کوشش کریں گے۔ قومی ٹیم میں شاہد آفریدی، سرفراز احمد، شعیب ملک، عمر اکمل، محمد حفیظ، احمد شہزاد، شرجیل خان، عماد وسیم، محمد عامر، محمد عرفان اور وہاب ر یاض شامل ہیں۔ بنگلادیش کے کپتان مشرقی مرتضیٰ کا کہنا تھا کہ اگر ہم ٹاس جیتتے تو ہم بھی پہلے بیٹنگ کرتے لیکن ہم اچھی کرکٹ کھیلنے کی کوشش کریں گے۔ ان کا کہنا تھا کہ ہماری ٹیم مشکل گروپ میں شامل ہے لیکن ہمیں اعتماد کے ساتھ کھیلنا چاہیئے۔ واضح رہے کہ اس سے قبل 9 مرتبہ دونوں ٹیمیں ٹی ٹوئنٹی ورلڈ کپ میں ایک دوسرے کے مد مقابل آ چکی ہیں جس میں سے 7 مربتہ فتح پاکستان کے مقدر میں آئی جب کہ 2بار بنگلادیشی ٹیم نے فتح حاصل کی۔

پشاور میں سرکاری ملازمین کی بس میں بم دھماکے کی سی سی ٹی وی ویڈیو