دبئی(نیوز ڈیسک) آئی سی سی نے پاکستان سمیت 8 مستقل ارکان کو ورلڈ ٹی ٹوئنٹی کےلئے اعلان کردہ اسکواڈ میں 8 مارچ تک ردو بدل کی اجازت دےدی۔آئی سی سی ترجمان نے نجی ٹی وی سے بات چیت کرتے ہوئے تصدیق کی کہ ورلڈٹی ٹوئنٹی میں شریک وہ ٹیمیں جو براہ راست دوسرے مرحلے میں کھیلیں گے وہ 8 مارچ تک اپنی مرضی سے اسکواڈ میں تبدیلی کی مجاز ہیں۔آئی سی سی کے مطابق اسکواڈ میں تبدیلی کسی بھی وجہ سے کی جاسکے گی چاہے وہ تکنیکی بنیادوں پر ہو یا پھر میڈیکل بنیاد پر جس کے لیے اجازت لینے کی ضرورت نہیں ہے۔پاکستان کرکٹ ٹیم کے چیف سلیکٹر ہارون رشید کے مطابق اسکواڈ میں تبدیلی کی اجازت تمام ٹیموں کو ہے تاہم انھوں نے اسکواڈ میں کسی ممکنہ تبدیلی کے امکانات پر تبصرہ کرنے سے معذرت کرلی۔دوسری جانب ذرائع کے مطابق خرم منظور، افتخار احمد اور رومان رئیس کی پاکستان سپر لیگ اور ایشیا کپ ٹی ٹوئنٹی میں کارکردگی کا جائزہ لیا جائے گاجہاں ناقص کارکردگی پرسلیکشن کمیٹی ورلڈٹی ٹوئنٹی اسکواڈ میں تبدیلی کرسکتی ہے۔پاکستان نے ورلڈ ٹی ٹوئنٹی کے لیے طویل عرصے سے ٹیم کا حصہ رہنے والے اوپنر احمد شہزاد کو اسکواڈ میں شامل نہیں کیا تھا ¾ خرم منظور کو حیران کن طورپر دستے کا حصہ بنا یا گیا ¾ خرم منظور نے بین الاقوامی سطح پر 2014 میں آخری دفعہ سری لنکا کے خلاف ٹیسٹ میچ میں پاکستان کی نمائندگی کی تھی ¾بین الاقوامی مقابلوں میں اب تک کوئی ٹی ٹوئنٹی میچ نہیں کھیلا۔پاکستان ٹیم میں رومان رئیس ¾ افتخار احمد اور محمد نواز کو ڈومیسٹک میں بہترین کارکردگی پر اسکواڈ کاحصہ بنایا گیا ۔