اسلام آباد (نیوز ڈیسک) معروف کرکٹر اور سابق کپتان شعیب ملک چونتیس برس کے ہو گئے ان کی 34ویں سالگرہ کے موقع پر کرکٹ کے شائقین اور شعیب ملک کے مداحوں نے سالگرہ کی تقریبات کا اہتمام کیا جہاں سالگرہ کے کیک کاٹے گئے اور شعیب ملک کی درازی عمر کیلئے خصوصی دعائیں مانگی گئی۔شعیب ملک یکم فروری 1982ءکو پنجاب کے شہر سیالکوٹ میں پیدا ہوئے انہوں نے ون ڈے کرکٹ کا آغاز1999ءمیںویسٹ انڈیز کی کرکٹ ٹیم کے خلاف کھیلتے ہوئے کیا جبکہ ٹیسٹ کرکٹ کا آغاز 2001ءمیں بنگلا دیش کی کرکٹ ٹیم کے خلاف کھیلتے ہوئے کیا۔