لاہور(نیوز ڈیسک) محمد حفیظ پر پاکستان سپر لیگ میں بولنگ کرنے پر پابندی عائد کردی گئی ہے۔تفصیلات کے مطابق محمد حفیظ پر پہلے ہی آئی سی سی نے مشکوک بولنگ ایکشن کی وجہ سے پابندی عائد کررکھی ہے جس کی وجہ سے وہ قومی ٹیم میں بطور بلے باز شریک ہیں۔ آئی سی سی کی جانب سے پابندی کا شکار ہونے والے محمد حفیظ پر پی ایس ایل انتظامیہ نے بھی پابندی عائد کردی ہے جس کی وجہ سے وہ پاکستانی ایونٹ میں بھی بطور بلے باز ہی شریک ہونگے۔واضح رہے کہ محمد حفیظ پی ایس ایل میں پشاور زیلمے کی نمائندگی کر رہے ہیں ان کا بولنگ ایکشن قائد اعظم ٹرافی کے فائنل میچ میں دوبارہ رپورٹ ہواتھا۔