کراچی(نیوز ڈیسک)قومی کرکٹ ٹیم کے سابق کپتان اور رمیز راجہ نے کہاہے کہ آج پاکستانی ٹیم کی قسمت اچھی نہیں تھی تاہم ٹیم کو داد دینی چاہیے کیونکہ آج ہم لڑ کر ہارے ہیں،پاکستان اگر مکمل اوورز کھیلتا تو ہدف تقریباً 320کے قریب ہونا تھا جو اچھا ہدف تھا۔کرکٹ کے راجہ رمیزراجہ نے کہاکہ بارش کے باعث پچ گیلی ہو گئی جس کی وجہ سے گیندپھنس رہا تھا لیکن آج اظہر علی نے اچھی باؤلنگ کی ہے۔انہوں نے کہا کہ عرفان کی فٹنس پر سوال اٹھتاہے کہ آج ان کا سپیل 130سے اوپر نہیں گیا انہوں نے کہا کہ پاکستان نے نیوزی کا سخت مقابلہ کیا ، اس لیے داد دینی چاہیے ،اچھی بات یہ ہے کہ کسی کو کوئی مسئلہ نہیں ہوتا جب ٹیم لڑ کر ہارتی ہے۔انہوں نے کہاکہ پاکستان اگر مکمل اوورز کھیلتا تو ہدف تقریبا 320کے قریب ہونا تھا جو کہ اچھا ہدف تھا لیکن ایسا نہیں ہوسکا۔