ویلنگٹن(نیوز ڈیسک)پاکستانی فاسٹ بولر محمد عامر انٹرنیشنل کرکٹ میں واپسی پر پہلی سیریز میں 100 کی اوسط سے ایک ہی وکٹ لے سکے۔انھیں اسپاٹ فکسنگ کے جرم میں کھیل سے 5 سال تک دور رکھا گیا تھا، نیوزی لینڈ کیخلاف پہلے ٹوئنٹی 20 انٹرنیشنل میں عامر نے ایک وکٹ حاصل کی مگر اگلے دونوں مقابلوں میں انھیں کسی پلیئر کو ٹھکانے لگانے کا موقع نہ مل سکا، وہاب ریاض نے 21.40 کی اوسط سے 5 وکٹیں لیں، شاہد آفریدی نے3 کھلاڑیوں کو ا?و¿ٹ کیا۔ان کی ایوریج30.33 رہی، عمر گل 2جبکہ عماد وسیم ایک وکٹ لینے میں کامیاب رہے۔ بیٹسمینوں میں عمر اکمل نے سب سے زیادہ 85 رنز بنائے، محمد حفیظ نے82 رنز اسکور کیے، دیگر تمام پلیئرز ناکام ثابت ہوئے