میلبرن(نیوزڈیسک) بھارتی بلے بازویرات کوہلی نے ایک روزہ کرکٹ میں تیز ترین سات ہزار رنز بنانے کا عالمی ریکارڈ قائم کرتے ہوئے سچن ٹنڈولکر جو اس اعزاز سے محروم کردیا۔میلبرن میں آسٹریلیا کے خلاف تیسرے ایک روزہ میچ میں بھارتی بلے باز نے شاندار بیٹنگ کا مظاہرہ کرتے ہوئے 117 رنز کی اننگ کھیل کر اپنی ٹیم کو 295 رنز کے معقول مجموعے تک رسائی دلائی۔اسی اننگ کے دوران انہوں نے ایک روزہ کرکٹ میں سات ہزار رنز مکمل کر لیے اور سب سے کم اننگز میں یہ کارنامہ انجام دینے والے کھلاڑی بن گئے۔انہوں نے اپنے کیریئر کے 168ویں میچ کی 161ویں اننگ میں سات ہزار رنز مکمل کیے اور اب تک 24 سنچریوں کی مدد سے سات ہزار 98 رنز بنا چکے ہیں۔اس سے قبل یہ اعزاز ہندوستان کے عظیم ترین بلے باز سچن ٹنڈولکر کے پاس تھا جنہوں نے 2019 اننگز میں یہ سنگ میل عبور کیا تھا۔