لاہور(نیوزڈیسک)نیوزی لینڈ کے خلاف شیڈول سیریز کا دوسرا ٹی 20 کرکٹ میچ میں اتوار کو کھیلا جارہا ہے اور اس میں بوم بوم آفریدی کے نشانے پر ڈیوڈ وارنر کے زیادہ چھکوں کا ریکارڈ پرہوگا۔شاہد آفریدی کرکٹ کے مختصر ترین فارمیٹ میں سب سے زیادہ چھکے لگانے والے بلے بازوں میں پانچویں نمبر پر ہیں۔ ٹی 20 میں زیادہ چھکے لگانے کا عالمی اعزاز کیوی بلے باز برینڈن میک کولم کو حاصل ہے، انہوں نے 91 چھکے لگا رکھے ہیں ، گیل 87 چھکوں کے ساتھ دوسرے، شین واٹسن 69 چھکوں کے ساتھ تیسرے اور وارنر 66 چھکوں کے ساتھ چوتھے نمبر پر موجود ہیں۔شاہد آفریدی نے 88 میچز میں 64 چھکے لگا رکھے ہیں اور کیویز کے خلاف دوسرے میچ میں ان کے نشانے پر وارنر کا ریکارڈ ہوگا۔واضح رہے کہ گزشتہ روز شاہد آفریدی نے کیویز کے خلاف پہلے ٹی ٹونٹی میں یووراج سنگھ کے زیادہ چھکوں کا ریکارڈ توڑا تھا۔