لاہور(نیوزڈیسک) پاکستان کرکٹ بورڈنے بھارت میں ہونے والے ٹی ٹونٹی ورلڈ کپ 2016ءمیں شرکت کی اجازت کے لئے وفاقی حکومت سے رابطہ کرنے کا فیصلہ کر لیا ۔ پی سی بی ذرائع کے حوالے سے بتایا گیا ہے کہ پاکستان کرکٹ بورڈ وفاقی حکومت سے رابطہ کر ے گا اور بھارت میں ورلڈ کپ کھیلنے کے لئے جنوری کے آخری ہفتے وزارت داخلہ اور خارجہ سے این او سی مانگا جائیگا ۔ ذرائع کا کہنا ہے کہ حکومت نے بنگلہ دیش میں ایشیا ءکپ کے لئے اجازت کی شرط نہیں رکھی تاہم بھارت میں کھیلنے کے لئے حکومت سے اجازت لینا ضروری ہے ۔ جس کے لئے کرکٹ بورڈ حکومت کو بھارت میں میگا ایونٹ کھیلنے کے لئے راضی کرے گا ۔