ویلنگٹن (نیوزڈیسک) معروف ٹینس سٹارسابق عالمی نمبر ایک رافیل نڈال بھی پاکستانی کرکٹرز کے دیوانے نکلے،تصاویر بنوانا صرف پرستاروں کا ہی شوق نہیں ، اسٹار خود بھی اس کو پسند کرتے ہیں۔ دبئی میں سابق عالمی نمبر ایک ٹینس کھلاڑی رافیل نڈال نے نیوزی لینڈ جاتے قومی کھلاڑیوں محمد حفیظ اور عمر گل کے ساتھ فوٹو سیشن کرایا ، بالی و±ڈ اسٹار دیپکا پڈا کون کے ساتھ بھی تصویر بنانا بھی انہیں اچھا لگا۔اسٹار کھیل کے ہوں یا شوبز فیملی سے تصاویر بنوانا اور اسے سوشل میڈیا پر اپ لوڈ کرنا سب کا بہترین مشغلہ بن چکا ہے۔ اپنے پرستاروں کی طرح سے محبت بانٹتے ہوئے ماضی کے نمبر ون ٹینس اسٹار رافیل نڈال نے قومی کرکٹرز کے ساتھ تصاویر بنوائیں۔رافیل نڈال نے نیوزی لینڈ کے خلاف سیریز کھیلنے کے لیے جانے والے محمد حفیظ ، عمر گل اور عماد وسیم کے ساتھ تصاویر بنوائیں۔ سوشل میڈیا کو شوبز کا بھی تڑکا لگاتے ہوئے رافیل نڈال نے بالی و±ڈ ہیروئن دیپکا پڈاکون کے ساتھ بھی تصویر بنوائی۔