آکلینڈ(نیوز ڈیسک) جیب میں پیسے نہیں لیکن آفریدی اور احمد شہزاد برگر کھانے پہنچ گئے ، بل ادا نہ کرسکنے کی وجہ سے سخت شرمندگی کا سامنا کرنا پڑا۔کیوی میڈیا کے مطابق دونوں کھلاڑی آکلینڈ کی ایک سپر مارکیٹ میں برگر کھانے گئے اور جب بل دینے کا وقت آیا تو دونوں کے پاس ہی مقامی کرنسی نہیں تھی جس کی وجہ سے انہیں پریشانی کا سامنا کرنا پڑا تاہم موقع پر موجود ایک پاکستانی شہری وقاص نے بل اداکیا۔ پاکستانی شہری کی طرف سے بل ادا کیے جانے پر دونوں کھلاڑیوں نے سکون کا سانس لیا۔ شاہد آفریدی تو وقاص کے اتنے شکر گزار ہوئے کہ انہوں نے اس سے بل واپس ادا کرنے اور میچ کے ٹکٹس کا بھی وعدہ کرلیا۔