لاہور (نیوز ڈیسک) پاکستان سپر لیگ کیلئے ٹکٹوں کی آن لائن فروخت شروع ہوگئی ہے ، پی سی بی کی جانب سے جاری کردہ پریس ریلیز کے مطابق دبئی اور شارجہ میں سنگل میچ ٹکٹ کی کم سے کم قیمت 20 اور ڈبل کی 30 درہم رکھی گئی ہے۔ دبئی میں اس سے بہتر کیٹیگریز میں انٹرنیشنل سنگل ٹکٹ 40، پریمیئم ایسٹ اور ویسٹ 80 ، پلاٹینم 200 درہم میں دستیاب ہوگا، ڈبلز کے نرخ بالترتیب 50 ، 100 اور 250 رکھے گئے ہیں۔شارجہ میں سنگل میچ کے لیے ایسٹ اسٹینڈ کی ٹکٹ 40 ، ویسٹ 70 ، گرینڈ 120 ، ممبرز انکلوڑر کی 150 میں حاصل کی جا سکے گی جب کہ ڈبلز کی قیمت بالترتیب، 50 ، 80 ، 150 اور 200 درہم رکھی گئی ہے، فائنل میچ کی عام ٹکٹ 30 درہم میں دستیاب ہوگی۔