اسلام آباد(مانیٹرنگ ڈیسک)پاکستان سپر لیگ کو ایک اور جھٹکا ، ویسٹ انڈیز کے کپتان جیسن ہولڈر کو پاکستان سپر لیگ کیلئے ویسٹ انڈین بورڈ نے این او سی دینے سے انکار کر دیا جس کے بعد جیسن ہولڈر نے لیگ سے الگ ہونے کا اعلان کیا ہے۔ نجی ٹی وی کے مطابق ہولڈر پی ایس ایل میں کوئٹہ گلیڈی ایٹرکی نمائندگی کر رہے تھے۔اب ان کی جگہ کوئٹہ گلیڈی ایٹر نے سری لنکا کے کھلاڑی تسارا پریرا کو شامل کرنے کا اعلان کیا ہے ۔یاد رہے کہ پاکستان کی پہلی سپر لیگ اگلے ماہ متحدہ عرب امارات میں منعقد ہونے جارہی ہے جس میں 5ٹیمیں حصہ لیں گی۔