لاہور(نیوزڈیسک) قومی کرکٹ ٹیم کے ٹی ٹوئنٹی کے کپتان شاہد خان آفریدی کے صحافی کیساتھ الجھنے کے معاملے پر مصباح الحق نے شاہد آفریدی کی حمایت کر دی ہے۔ایک نجی ٹی وی چینل کے مطابق صحافی کی جانب سے چبھتے ہوئے سوال کے جواب میں قومی ٹی ٹوئنٹی ٹیم کے کپتان شاہد آفریدی کی جانب سے متنازعہ جواب دینے پر ایک نیا تنازعہ کھڑا ہو گیا ہے۔ صحافیوں کی جانب سے شاہد آفریدی کیخلاف احتجاج کرتے ہوئے ان سے معافی کا مطالبہ کیا جا رہا ہے۔اس تمام صورتحال میں قومی ٹیسٹ ٹیم کے کپتان مصباح الحق نے شاہد آفریدی کی حمایت کر دی ہے۔ مصباح الحق کا کہنا ہے کہ میڈیا کی وجہ سے ہمیشہ کرکٹرز کے مابین جھگڑے ہوتے ہیں۔ اس میں کوئی انہونی بات نہیں ہے ۔