اسلام آباد(مانیٹرنگ ڈیسک)سپات فکسنگ کیس میں سزا یافتہ فاسٹ باﺅلر محمد عامر نے نیوزی لینڈ کے ویزہ کے حصول کیلئے آن لائن درخواست جمع کرادی۔نجی ٹی وی کے مطابق پی سی بی نے گزشتہ ہفتے محمدعامرکا ویزا کیس نیوزی لینڈکے سفارتخانے بھیجاتھا۔ پی سی بی کی درخواست کے جواب میں نیوزی لینڈ کے سفارتخانے نے پی سی بی کومحمدعامرکی ویزہ درخواست دینے کاکہاتھا جس پر پاکستان کرکٹ بورڈ نے محمد عامر کی ویزا درخواست آن لائن جمع کرادی۔ ذرائع کا کہنا ہے کہ محمد عامر کا کیس مضبوط ہے ،اگلے دو تین روزمیں ویزا مل جائے گا۔یاد رہے کہ دورہ نیوزی لینڈ کیلئے پاکستانی سکواڈ میں محمد عامر کا نام بھی شامل کیا گیا تھا۔