لاہور(نیوزڈیسک)پاکستان کے مایہ ناز فاسٹ باولر محمد عامر نے سینئرز کی عزت نہ کرنے کے بارے میں بیانات کو مسترد کر دیا ہے۔لاہور میں میڈیا سے گفتگو میں انہوں نے کہا کہ کھیل کے میدان میں دوستی نہیں ہوتی جس کیلئے کھیلیں اس کو فائدہ ہونا چاہئے۔کسی اوپنر یا آخری نمبر کے بلے باز کو آوٹ کرنے میں ایک جیسی ہی خوشی ہوتی ہے، آفریدی، حفیظ اور مصباح میرے سینئر ہیں لیکن میدان میں حریف کھلاڑی کو آوٹ کرنے میں خوشی منانا سب کا حق ہوتا ہے۔انہوں نے کہا کہ ماضی بہت تلخ ہے لیکن اس کو بھولنا چاہتا ہوں۔ میری پوری کوشش ہوگی کہ گرین شرٹس کی عزت میں اضافہ کروں۔میں زیادہ سے زیادہ جیت کی خوشیاں بکھیرنا چاہتا ہوں۔