لاہور(نیوزڈیسک )انٹرنیشنل کرکٹ کونسل نے پی سی بی کے خط کا جواب دے دیا،سلمان بٹ اور محمد آصف کی ڈومیسٹک اور انٹرنیشنل کرکٹ میں واپسی کا اختیار پاکستان کرکٹ بورڈ کو دے دیا گیا۔پی سی بی نے سپاٹ فکسنگ میں سزا یافتہ دونوں کرکٹر کو ڈومیسٹک اور انٹرنیشنل میچز میں کھیلانے یا نہ کھلانے کے بارے میں آئی سی سی سے ایک خط کے ذریعے ہدایات مانگی تھیں۔ جواب میں آئی سی سی نے گیند پاکستان کرکٹ بورڈ کے کورٹ میں پھینک دی ہے۔ سلمان بٹ اور محمد آصف پر آئی سی سی کی پابندی یکم ستمبر کو ختم ہو جائے گی جس کے بعد دونوں کھلاڑیوں کو ڈومیسٹک اور انٹرنیشنل میچز کھلانے کا فیصلہ پی سی بی کرے گا۔