لاہور(نیوزڈیسک) بنگلہ دیشی حکومت نے اپنی ویمن کرکٹ ٹیم کے دورہ کے سلسلہ میں سکیورٹی وفد کو انتظامات کا جائزہ لینے پاکستان آنے کی اجازت دیدی ، چار رکنی سکیورٹی وفدکا رواں ہفتے پاکستان آمد کا امکان ہے ۔ پی سی بی ذرائع کے مطابق بنگلہ دیش کی ویمن کرکٹ ٹیم کے دورہ پاکستان کے سلسلہ میں انتظامات اور سکیورٹی کا جائزہ لینے کیلئے چار رکنی وفد کی رواں ہفتے لاہور آمد کا امکان ہے ۔ سکیورٹی وفد لاہور کا دورہ کر کے قذافی اسٹیڈیم اور نیشنل اسٹیڈیم میں قائم کنٹرول روم کا دورہ کرنے سمیت مہمان ٹیم کو ٹھہرائے جانے کے مقام کا بھی دورہ کرے گا ۔ اس موقع پر پی سی بی اور قانون نافذ کرنے والے اداروںکے ذمہ داران سکیورٹی سمیت دیگر انتظامات پر تفصیلی بریفنگ دیں گے۔