اوول(نیوز ڈیسک)انگلینڈ اور آسٹریلیا کے درمیان جاری 5میچوں پر مشتمل ایشز ٹیسٹ سیریز کا پانچوآں اور آخری ٹیسٹ اوول میں جاری ہے۔ میچ میں آج تیسرے دن کے کھیل ختم ہونے تک انگلش ٹیم نے اپنی دوسری اننگز میں فالو آن کے بعد 6وکٹوں کے نقصان پر 203رنز اسکور کرلیے ہیں، 4وکٹیں باقی ہیں اور اننگز کی شکست سے بچنے کے لیے مزید 129رنز درکار ہیں، ٹیم کی جانب سے کپتان السٹر کک نے ٹیم کو شکست سے بچانے کے لیے 234گیندوں پر 85رنز کی اننگز کھیلی، ان کے آﺅٹ ہونے کے بعد ٹیم کا کوئی بیٹسمین کینگروز بولرز کا سامنے نہ ٹک سکا، کینگروز بولرز کی جانب سے نیتھن لیون نے 2وکٹیں حاصل کیں۔ اس سے پہلے انگلش ٹیم اپنی پہلی اننگز 107رنز 8وکٹوں پر آج دوبارہ شروع کی، تو ان کی پوری ٹیم 149رنز کے اسکور پر ڈھیر ہوگئی اور اب دوسری اننگز میں بھی اننگز کی شکست کے قریب ہیں۔