نیویارک (نیوز ڈیسک ) سینسناٹی ٹینس ٹورنامنٹ میں کھیلے گئے خواتین کے کوارٹر فائنلز میں امریکا کی سرینا ولیمز نے سنسنی خیز مقابلے کے بعد سربیا کی اینا ایوانووچ کو ہرا کر سیمی فائنل کیلئے کوالیفائی کر لیا۔ سینسناٹی ٹینس ٹورنامنٹ میں خواتین کے کوارٹر فائنل میں امریکا کی عالمی نمبر ایک سرینا ولیمز اور سربیا کی عالمی نمبر چھ اینا ایوانووچ میں مقابلہ ہوا۔ دونوں ورلڈ کلاس پلیئرز کے درمیان دلچسپ اور سنسنی خیز مقابلہ دیکھنے کو ملا۔ سربیئین پلیئر نے سرینا ولیمز کو پہلے سیٹ میں شاندار شکست دی لیکن بڑی ٹینس پلیئر نے زبردست کم بیک کرتے ہوئے اگلے دو سیٹ لگاتار جیت کر سیمی فائنل میں رسائی حاصل کر لی۔ انہوں نے حریف کو تین چھ ، چھ چار اور چھ دو سے ہرایا۔