نیو دہلی (نیوزڈیسک) دیپکا نے اپنی بیچلرز پارٹی میں صرف 15قریبی دوستوں کو مدعو کیا جن میں ان کی آسٹریلوی کوچ سارہ فٹز بھی شامل تھیں۔ علاوہ ازیں پارٹی میں صرف خواتین دوستوں نے ہی شرکت کی تاہم دیپکا نے پارٹی ڈریس کوڈ کے مطابق گلابی رنگ کا لباس زیب تن کر رکھا تھا۔ دیپکا مسلسل تین دن تک سنگیت کی تیاری میں مشغو ل رہیں۔ دیپکا نے سنگیت کی محفل میں کل پانچ گانوں پر رقص کیا جن میں سے صرف ایک گانے میں دنیش نے ان کا ساتھ دیا۔
واضح رہے ان کی شادی ابھی صرف عیسائی مذہب کے مطابق انجام پائی ہے تاہم 20 اگست کو ہندو مذہب کے تحت انجام پائے جانے کا امکان ہے۔ دیپکا حال ہی میں امریکا کے دورے سے واپس لوٹی ہیں۔ علاوہ ازیں شادی کے روز دیپکا نے امریکی ڈیزائنر کا ڈیزائن کردہ لباس اور زیورات زیب تن کر رکھے تھے۔