انگلینڈ (نیوز ڈیسک ) عالمی نمبر 3 اینڈی مرے نے ومبلڈن ٹینس ٹورنامنٹ کے دوسرے مرحلے میں جگہ بنالی جبکہ ویمنز ایونٹ میں عالمی نمبر 3 سیمونا ہیلپ اور یوگینی بوچارڈ کو ایونٹ سے باہر ہونا پڑا۔ ٹینس سیزن کے تیسرے گرینڈ سلیم ومبلڈن ٹینس ٹورنامنٹ کے پہلے مرحلے میں عالمی نمبر3 اینڈی مرے اور روسی پلیئر میخائل کوکشکن مدمقابل ہوئے۔ سکاٹش کھلاڑی اینڈی مرے نے میخائل کوکشکن کو چھ چار ، سات چھ ، چھ چار سے مات دے کر اگلے راﺅنڈ میں رسائی حاصل کی۔ ویمنز ایونٹ میں یوگینی بوچارڈ کا سامنا چین کی ڈوان ینگئینگ سے ہوا۔ چینی پلیئر نے عالمی نمبر 12 یوگینی بوچارڈ کو سات چھ چھ چار سے آو¿ٹ کلاس کیا۔ ایونٹ کے ایک اور میچ میں رومانیہ کی سیمونا ہیلپ کو سلواکیا کی جانا کیپی لووا کے ہاتھوں شکست کا سامنا کرنا پڑا۔ جانا کیپیلووا نے پانچ سات ، چھ چار ، چھ تین سے کامیابی سمیٹ کر عالمی نمبر 3 سیمونا ہیلپ کو ایونٹ سے باہر کیا۔