اوٹاوا (نیوز ڈیسک ) ساتویں فیفا ویمنز ورلڈ کپ فٹ بال ٹورنامنٹ کی سیمی فائنل لائن اپ مکمل ہو گئی، لاسٹ فور مرحلے کا آغاز کل منگل کو ہو گا۔ کینیڈا میں جاری میگا ایونٹ اختتامی مراحل کی طرف گامزن ہے اور ٹاپ فور ٹیموں نے شاندار کھیل کی بدولت سیمی فائنل میں جگہ بنا لی ہے، میزبان کینیڈین ٹیم کوارٹر فائنل میں شکست کے بعد ٹائٹل کی دوڑ سے باہر ہو گئی ہے۔ میگا ٹورنامنٹ کے سیمی فائنل مرحلے کا آغاز آج منگل سے ہو گا اور پہلے سیمی فائنل میں جرمنی اور امریکہ کی ویمن ٹیمیں آمنے سامنے ہوں گی، دوسرا سیمی فائنل یکم جولائی کو جاپان اور انگلینڈ ویمن کے درمیان کھیلا جائے گا۔ واضح رہے کہ عالمی چیمپئن کا فیصلہ 5 جولائی کو دو ٹاپ ٹیموں کے درمیان فائنل میں ہو گا۔