نئی دہلی (نیوزڈیسک)بنگلہ دیش کرکٹ ٹیم کا بڑا امتحان،پاکستان سے فتح میں بنگلہ دیشی کھلاڑیوں کی محنت اور کارکردگی وجہ تھی یا پاکستانی کھلاڑی ہی برا کھیلے ،اب پتہ چلے گا جب بھارتی کرکٹ ٹیم 8 جون کو بنگلہ دیش جائےگی جہاں وہ میزبان ٹیم کے خلاف واحد ٹیسٹ تین ون ڈے میچوں کی سیریز کھیلے گی۔ تفصیلات کے مطابق بھارتی ٹیم کو شیڈول کے مطابق (آج) اتوار کو بنگلہ دیش جانا تھا تاہم وزیر اعظم نریندر مودی کے دورہ بنگلہ دیش کی وجہ سے تاریخ میں تبدیلی کی گئی دورے میں شیڈول واحد ٹیسٹ 10 سے 14 جون تک فتح اللہ میں کھیلا جائے گا۔ تین ون ڈے میچز پر مشتمل سیریز کا پہلا میچ 18 جون، دوسرا 21 جون جبکہ تیسرا اور آخری ون ڈے 24 جون کو کھیلا جائے گا۔ تینوں میچز شیر بنگلہ نیشنل سٹیڈیم، میرپور میں کھیلے جائیں گے۔