اسلام آباد(نیوزڈیسک )قومی کرکٹ ٹیم کے سابق وکٹ کیپر کامران اکمل نے کہا ہے کہ سری لنکا میں قومی ٹیم کو ہمیشہ سخت مقابلہ کرنا پڑا ہے ، سری لنکن ٹیم کو ان کی کنڈیشنز پر شکست دینا بہت مشکل ہے لیکن پاکستانی ٹیم میں باصلاحیت کھلاڑی شامل ہیں اور امید ہے کہ ٹیم فتح حاصل کرے گی ،نیشنل کرکٹ اکیڈمی لاہور کے باہر میڈیا سے گفتگو کرتے ہوئے کامران اکمل نے کہا کہ ماضی میں سعید اجمل اور عبدالرحمان سری لنکا کی کنڈیشنز پر اچھی بولنگ کرتے تھے لیکن موجودہ ٹیسٹ سکواڈ میں دونوں کھلاڑی شامل نہیں ہیں،اب پاکستان کے پیسرز کو یہ ذمہ داری اٹھانی پڑے گی