لاہور (نیوزڈیسک) قومی ٹی ٹوئنٹی کرکٹ ٹیم کے کپتان شاہد آفریدی نے کہا ہے کہ نوجوان نسل صرف ڈاکٹرز اور انجینئرز بن کر ہی نہیں بلکہ کرکٹر بن کر بھی اپنا کیریئر بنا سکتی ہے ، سوشل میڈیا پر اپنے پیغام میں قومی کرکٹر کا کہنا تھا کہ والدین کو یہ باور کرانے کی ضرورت ہے کہ بطور کرکٹر ان کے بچے اپنے مستقبل کو شاندار بنا سکتے ہیں ۔ آل راﺅنڈر کا کہنا تھا کہ کاﺅنٹی کرکٹ کےلئے نار تھمپٹن شائر میں اپنے مختصر قیام کے دوران کھیل کی اہمیت کے حوالے سے پاکستان ، بنگلہ دیش اور بھارت سے تعلق رکھنے والے تارکین وطن سے ملاقات کروں گا ۔