لاہور (نیوزڈیسک) پاکستان اور زمبابوے کی کرکٹ ٹیموں کے مابین تین ون ڈے میچوں پر مشتمل کرکٹ سیریز کا دوسرا میچ آج ( جمعہ ) 29مئی کو قذافی اسٹیڈیم لاہور میں کھیلا جائے گا ۔میچ شام چار بجے شروع ہو گا جس کے لئے سکیورٹی سمیت دیگر تمام انتظامات مکمل کر لیے گئے ہیں ، پاکستان ٹیم کو پہلا ون ڈے میچ جیتنے کی وجہ سے سیریز میں 1-0کی برتری حاصل ہے ۔پاکستان کی ٹیم کی جیت کی صورت میں سیریز پاکستان جیت جائے گا ۔میچ میں قومی کرکٹ ٹیم کی قیادت اظہر علی کریں گے جبکہ سلو اوور ریٹ پر کپتان ایلٹن چگمبورا کو دو میچوں کے لیے باہر کر دیا گیا ہے ۔ زمبابوین ٹیم اب سیریز کے دونوں ون ڈے میچوں میں کپتان اور اہم کھلاڑی سے محروم رہے گی ۔ قومی شاہین ٹی ٹونٹی سیریز کے بعد ون ڈے سیریز بھی اپنے نام کرنے کا ارادہ رکھتے ہیں ۔ کپتان اظہر علی کا کہنا ہے کہ ہوم گراﺅنڈ پر سیریز جیت کر شائقین کا دل جیتیں گے ۔پاکستان کو اپنی رینکنگ برقرار رکھنے اور بہتر بنانے کے لئے ہر میچ جیتنا ضروری ہے اور ہماری ٹیم دوسرے ون ڈے میں بھی جیت کے لئے میدان میں اترے گی ۔انہوں نے کہا کہ ٹی ٹونٹی میچوں کی سیریز میں کامیابی کے بعد پہلے ون ڈے میچ میں بھی کامیابی سے سے ٹیم کا مورال بلند ہوا ہے ۔ دوسری جانب زمبابوین ٹیم کے کھلاڑیوں کا کہنا ہے کہ ان کے حوصلے بلند ہیں ، سیریز میں کم بیک کرنے کی پوری کوشش کریں گے ۔ٹیم ہر میچ میں پہلے سے بہتر کھیل رہی ہے ،بیٹنگ اچھی کارکردگی دکھا رہی ہے تاہم میچ کے آخری اوورز میں سکور نہیں ہو رہے جبکہ فیلڈنگ اور باو ¿لنگ میں بھی بہتری کی گنجائش موجود ہے ، کھلاڑی پر امید ہےں اور دوسرے ایک روزہ میچ میں زیادہ اچھا کھیل کر جیتنے کی کوشش کریں گے۔