لاہور(نیوزڈیسک)زمبابوے سے سیریز کے آغاز سے پہلے ہی بدمزگی،پاکستان کرکٹ ٹیم کے سینئر کھلاڑیوں اور پی سی بی کے درمیان سینٹرل کنٹریکٹ پر تنازع پیدا ہوگیا ذرائع کے مطابق فریقین کے درمیان تنازع سینٹرل کنٹریکٹ میں پاکستان کرکٹ بورڈ کی جانب سے میچ وننگ بونس ختم کرنے پر ہوا ہے، کھلاڑیوں کے مطابق سینٹرل کنٹریکٹ سے وننگ بونس کی شق ختم نہ کی جائے ،دوسری جانب پاکستان کرکٹ بورڈ کا کہنا ہے کہ سینٹرل کنٹریکٹ میں پیسے بڑھادیئے گئے ہیں، اس لیے میچ وننگ بونس کی شق کی ضرورت نہیں ہے۔ ذرائع کے مطابق اگر کھلاڑیوں اور پی سی بی کے درمیان تنازع طے پاگیا تو دورہ زمبابوے کے دوران کھلاڑیوں کو سینٹرل کنٹریکٹ دے دیا جائےگا۔چیف آپریٹنگ آفیسر سبحان احمد نے کہا ہے کہ فی الحال ہماری پوری توجہ مہمان ٹیم کی سیکیورٹی اور دیگر انتظامات پر مرکوز ہے، اس وقت دیگر امور کے بارے میں غور کرنے کا وقت ہی نہیں ۔