لاہور(نیوزڈیسک)پاکستان کرکٹ بورڈ کے ڈائریکٹر ڈومیسٹک کرکٹ انتخاب عالم نے کہا ہے کہ زمبابوے کا دورہ پاکستان کیلئے بڑا بریک تھرو ہے جس کا کریڈیٹ بورڈ اور چیئرمین کو جاتا ہے۔ نجی ٹی وی سے گفتگو کرتے ہوئے انتخاب عالم نے کہا کہ یہ بڑی خوشی کی بات ہے کہ پاکستان کے ویران میدان ایک بار پھرآباد ہونے جارہے ہیں۔زمبابوے کی ٹیم کو بھرپور سکیورٹی دی جائے گی جس کے بعد دیگرٹیمیں بھی پاکستان آنے کا سوچیں گی۔انتخاب عالم نے کہا کہ انٹرنیشنل کرکٹ میں رکاوٹ کا سب سے بڑا مسئلہ لا اینڈ آرڈر کا تھا، زمبابوے کی سکیورٹی ٹیم انتظامات سے مطمئن ہوکرگئی ہے۔