لاہور (این این آئی) لاہورکی سیشن عدالت نے اداکارہ مومنہ اقبال کو ہراساں کرنے اور جان سے مارنے کی دھمکیاں دینے کے مقدمے میں مسلم لیگی ایم پی اے ثاقب چدھڑ اور انکی اہلیہ سمیرا کی عبوری ضمانت میں توسیع کردی ۔

ایڈیشنل اینڈسیشن جج نصرت علی صدیقی نے ملزمان کی عبوری ضمانت پرسماعت کی۔درخواست گزار نے موقف اختیار کیا کہ این سی سی آئی اے نے حقائق کے برعکس مقدمہ درج کیا،عدالت عبوری ضمانت منظور کرے۔تفتیشی افسر نے بتایا کہ ملزمہ سمیرا چدھڑ شامل تفتیش ہوچکی ہیں اور تفتیش جاری ہے، ملزمہ کا سم والا موبائل فون فرانزک کے لیے درکار ہے ،عدالت تفتیش مکمل کرنے کے لیے مہلت فراہم کرے۔عدالت نے تفتیشی افسر کی استدعا کو منظور کرلیا اور ثاقب چڈھر اور اہلیہ کی عبوری ضمانت میں 28جولائی تک توسیع کردی۔عدالت نے آئندہ سماعت پر مکمل تفتیشی رپورٹ بھی طلب کرلی،این سی سی ائی اے نے ادکارہ مومنہ اقبال کی مدعیت میں مقدمہ درج کر رکھا ہے