اسلا م آباد (نیوز ڈیسک) پنجاب حکومت نے سرکاری ملازمین کی تنخواہوں میں اضافے اور نظرثانی شدہ پے اسکیل کے حوالے سے اہم وضاحت جاری کر دی۔
ذرائع کا بتانا ہے کہ حکومتی وضاحت کے مطابق صوبے کے سرکاری ملازمین کو ماہ جولائی 2026 سے نظرثانی شدہ پے اسکیلز کے تحت 7 فیصد ایڈہاک ریلیف فراہم کیا جائے گا۔
اس فیصلے کے تحت ملازمین کی تنخواہیں نئے پے اسکیل کی بنیاد پر مرتب کی جائیں گی اور اسی بنیاد پر تنخواہوں میں 7 فیصد اضافے کا اطلاق ہو گا۔
ذرائع نے بتایا کہ پنجاب حکومت کے مطابق ریوائزڈ پے سکیل کے نفاذ کے بعد سرکاری ملازمین کی بنیادی تنخواہوں کا نیا تعین کیا جائے گا جس کے بعد ایڈہاک ریلیف الاؤنس شامل کیا جائے گا۔
ذرائع کے مطابق حکام کا کہنا ہے کہ اس اقدام کا مقصد سرکاری ملازمین کو مہنگائی کے موجودہ دباؤ میں ریلیف فراہم کرنا ہے۔
اس حوالے سے ذرائع نے یہ بھی بتایا کہ حکومتی وضاحت میں کہا گیا ہے کہ تنخواہوں میں اضافے کا اطلاق جولائی 2026 سے ہو گا، جبکہ متعلقہ محکموں کو اس حوالے سے ضروری کارروائی مکمل کرنے کی ہدایت کر دی گئی ہے۔
ذرائع کا کہنا ہے کہ ملازمین کی تنخواہوں کی تیاری نئے پے اسکیل کے مطابق کی جائے گی تاکہ انہیں مقررہ وقت پر ریلیف مل سکے۔
دوسری جانب ملازمین کا کہنا ہے کہ موجودہ معاشی صورتحال میں تنخواہوں میں اضافہ ایک مثبت قدم ہے تاہم مہنگائی کی شرح کو دیکھتے ہوئے مزید ریلیف کی ضرورت ہے۔
