کولمبو(نیوز ڈیسک) سری لنکن کرکٹ بورڈ نے پاکستانی ٹیم کے دورہ سری لنکا کی تصدیق کرتے ہوئے شیڈول جاری کر دیا ہے۔پاکستانی ٹیم دورے میں تین ٹیسٹ، پانچ ایک روزہ اور دو ٹی ٹوئنٹی میچز کھیلے گی۔پاکستانی ٹیم دورے کیلئے آٹھ جون کو سری لنکا پہنچے گی جہاں وہ گیارہ جون سے تین روزہ پریکٹس میچ کے ذریعے اپنی مہم کا آغاز کرے گی۔دونوں ٹیموں کے درمیان پہلا ٹیسٹ گال میں 17 جون سے کھیلا جائے گا، دوسرا ٹیسٹ 25 جون سے کولمبو جبکہ پالے کیلی میں ہونے والے تیسرا اور آخری ٹیسٹ میچ میں دونوں ٹیمیں تین جولائی سے مدمقابل ہوںگی۔پانچ ایک روزہ میچوں کی سیریز کا پہلا مقابلہ 11 جولائی کو دمبولا میں ہو گا، سیریز کا دوسرا میچ 15 جولائی کو پالے کیلی، تیسرا اور چوتھا میچ بالترتیب 19 اور 22 جولائی کو کولمبو جبکہ سیریز کا ا?خری میچ ہمبنٹوٹا میں 26 جولائی کو ہو گا۔پاکستانی ٹیم 30 جولائی کو پہلے ٹی ٹوئنٹی میچ میں سری لنکا کے مدمقابل ہو گی جبکہ یکم اگست کو ا?خری ٹی20 میچ کے ساتھ دورے کا اختتام ہو گا۔