میرپور(نیوزڈیسک)پاکستانی ٹی ٹوئنٹی ٹیم کے کپتان شاہد آفریدی ایمپائر کے متنازعہ فیصلہ کی بھینٹ چڑھ گئے۔ جمعہ کو شیر بنگال کرکٹ نیشنل سٹیڈیم میں کھیلے گئے پاکستان اور بنگلہ دیش کے درمیان اولین ٹی ٹوئنٹی میچ میں ایمپائر نے باہر جاتی ہوئی مستفیض الرحمن کی گیند جو شاہد آفریدی کے بلے کو چھوئے بغیر وکٹ کیپر مشفیق الرحیم کے پاس گئی تھی پر شاہد آفریدی کو کیچ آﺅٹ قرار دیدیا ۔ شاہد آفریدی نے امپائر کے فیصلے کیخلاف تھرڈ ایمپائر لینے کا اشارہ بھی کیا تاہم یہ سہولت نہ ہونے کے باعث وہ آﺅٹ قرار دئیے گئے۔