ممبئی (نیوز ڈیسک)بھارتی لوک سبھانے خاتون بیڈمنٹن پلیئر سائنا نہوال اور ٹینس پلیئر ثانیہ مرزا کو شاندار کارکردگی پر خراج تحسین پیش کیا ہے۔نجی ٹی وی کے مطابق لوک سبھا کے سپیکر سومترا مہا جن نے اسمبلی میں خطاب کے دوران کہا کہ ان دونوں کھلاڑیوں کی کامیابیاں حیرت انگیز اور عظیم الشا ن ہیں جن سے قوم کا وقار بلند ہوا ہے۔ دونوں نے عالمی نمبرون پلیئر بن کر بہت بڑا کارنامہ سرانجام دیا ہے ،ان کے اعزاز حاصل کرنے کے بعد کھلاڑیوں میں آگے جانے کی جستجو پیدا ہوگی ،ہم دونوں کھلاڑیوں کی مستقبل میں مزید کامیابیوں کیلئے دعا گو ہیں۔