میرپور(نیوز ڈیسک)قومی کرکٹ ٹیم کے کپتان اظہر علی کھلاڑیوں کی انجریز اور سینئرکھلاڑیوں کی ریٹائرمنٹ کو بنگلہ دیش کے ہاتھوں دوسرے ون ڈے میچ میں شکست کا ذمہ دار قراردے کر بری الذمہ ہوگئے۔ انہوں نے کہا کہ ہماری بیٹنگ اچھی نہیں رہی اور 239 رنزکم ا سکورتھا،سعدنسیم اور وہاب ریاض نے اچھی اننگز کھیل کر ہمیں میچ میں واپس لانے کی کوشش کی لیکن اس کا بھی فائدہ نہ اٹھاسکے۔ ان کا مزیدکہناتھا کہ ٹیم تعمیر نو کے مرحلے سے گزر رہی ہے ،بنگلہ دیش کیخلاف دو میچز اور ون ڈے سیریز ہار کر بہت کچھ سیکھیں گے۔انہوں نے کہا کہ انجریز نے بھی بہت پریشان کیا جس سے جیت کیلئے کی گئی پلاننگ متاثر ہوئی اور کچھ سینئر کھلاڑیوں کی ریٹائرمنٹ کے بعد بھی مسائل کا سامنا ہے اس کے باوجود نوجوان کھلاڑیوں پر بھروسہ کرنا پڑے گا۔
نئے کھلاڑی بہت جلد خود کو ایڈجسٹ کر لیں گے اور بہتر ی کی طرف چل نکلیں گے۔فاتح کپتان مشرفے مرتضیٰ نے کہا کہ اس تاریخی فتح پر بہت خوش ہیں ،ہم نے دوسرے ون ڈے میں فتح کے ساتھ ہی پاکستان کیخلاف پہلی بار ون ڈے سیریز جیتی۔ یہ فتح تما م لڑکوں کی محنت کا نتیجہ ہے اور ہم سیریز کا تیسر اون ڈے بھی جیت کر کلین سوئپ کرنا چاہتے ہیں۔ انہوں نے مزیدکہا کہ شکیب الحسن نے پہلے میچ میں میری غیر موجودگی میں بہترین کپتانی کرکے اور اپنی بہترین کارکردگی سے فتح حاصل کرکے سیریز جیتنے کی بنیاد رکھ دی تھی اور حالیہ فتح نے مشن مکمل کردیا۔تمیم اقبال اور مشفق الرحیم کی کارکردگی مثالی رہی ہے۔مین آف دی میچ کا ایوارڈ حاصل کرنیوالے تمیم اقبال نے کہا کہ سیریز سے قبل میں آو¿ٹ آف فارم تھااورپہلے میچ میں انڈرپریشر کھیلالیکن اب سب ٹھیک ہوگیا ہے۔ اپنی پرفارمنس سے بہت خوش ہوں اور میدان میں شاٹس کھیل کر انجوائے کررہاتھا۔