نیلسن (نیوز ڈیسک) بنگلہ دیش کرکٹ ٹیم کے بلے باز انعام الحق فٹنس مسائل کے باعث رواں ورلڈ کپ سے باہر ہو گئے۔ ان کی جگہ امرالقیس کو ٹیم میں طلب کر لیا گیا ہے۔ بنگلہ دیش ٹیم مینجمنٹ کی طرف سے جاری کردہ بیان کے مطابق انعام الحق رواں ورلڈ کپ میں سکاٹ لینڈ کے خلاف کھیلے گئے میچ کے دوران فیلڈنگ کرتے ہوئے کندھے کی انجری میں مبتلا ہو گئے تھے اور انہیں فوراً قریبی ہسپتال لے جایا گیا جہاں پر ان کا سکین ہوا، رپورٹ سے تشخیص ہوئی ہے کہ انعام گریڈ تھری انجری کا شکار ہوئے ہیں اور انہیں مکمل فٹ ہونے کیلئے وقت لگے گا جس کے باعث ہم نے امرالقیس کو ان کے متبادل کے طور پر ٹیم میں شامل کر لیا ہے اور انٹرنیشنل کرکٹ کونسل (آئی سی سی) ٹیکنیکل کمیٹی نے بھی تبدیلی کی منظوری دے دی ہے۔