اسلام آباد(مانیٹرنگ ڈیسک)افیون برصغیر میں سکندر اعظم نے متعارف کرائی۔ دنیا فتح کرنے کا خواب دل میں بسائے سکندر اعظم نے بڑے بڑے شاہسواروں کو دھول چٹائی اور ہمالیہ کی بلند و بالا چوٹیوں کو پائوں تلے روندتا برصغیر میں داخل ہو گیا۔ سکندر اعظم کی فوج کو یہاں

جگہ جگہ مزاحمت کا سامنا کرنا پڑا، سپاہی زخمی ہو جاتے تو ان کے زخموں پر جڑی بوٹیوں کا عرق اور درد کی شدت کم کرنے کیلئے افیون کھلائی جاتی۔ 1913 میں امریکہ نے ایک سازش کے تحت چین میں افیون اتنی عام کر دی تھی کہ چین کا ہر تیسرا بندہ افیونی تھا اور چینی قوم دنیا میں افیونی مشہور تھی مگر پھر مائوزے تنگ کی قیادت میں چینی قوم نے جدوجہد کا آغاز کیا اور چین سے نہ صرف شاہی نـظام بلکہ افیون اور نشہ کی لت کو نکال پھینکا۔ چینی قوم نے بے مـثال اور انتھک جدوجہد کے ذریعے اپنے تباہی کے درپے قوموں کو ترقی کر کے ایسا جواب دیا کہ دنیا دنگ رہ گئی۔ آج چینی قوم دنیا میں جہاں کھڑی ہے وہ ہمارے لیے ایک عمدہ مثال ہے ۔یہ بات بھی قابل ذکر ہے کہ امریکہ نے 1988 میں اپنی 78فیصد ادویات میں افیون کا استعمال شروع کیا۔پاکستان میں ہیروین کا استعمال روس اور افغانستان کی جنگ کے بعد شروع ہوا۔ہیروین کا کیمیائی نام ڈی اسٹیل مرفین ہے جسے 1874ء میں ایک انگریز کیمیا دان نے دریافت کیا۔ اس دریافت کی اصل وجہ دشمنوں کو نقصان پہنچانا تھا۔پاکستان میں 1984 سے آج تک ایک اندازے کے مطابق 30لاکھ کے قریب لوگ ہیروین سے ہلاک ہوچکے ہیں اور آج بھی 45لاکھ کے لگ بھگ چھوٹے بڑے مرد عورتیں ہیروین استعمال کررہے ہیں۔