*اچھے دوست ہماری بری عادات کو نظر انداز کردیتے ہیں جبکہ بہترین دوست ہمیں انہی عادات سے آگاہ کرتے ہیں یہاں تک کہ ہم خود بھی ان عادات کے بارے میں جانتے ہیں۔
*اچھے دوست ہمیں ان چیزوں سے دور رکھتے ہیں جو ہمیں پریشان کرتی ہوں لیکن بہترین دوست انہیں چیزوں کے ذریعے ہمیں صبح سے شام تک تنگ کرتے رہتے ہیں۔
*اچھا دوست سالگرہ کی مبارک باد دینے کے لیے آپ کو آدھی رات کو فون کرے گا جبکہ آپ کا بہترین دوست اسی وقت آپ کو ملنے اور سرپرائز دینے کے لیے آپ کے پاس موجود ہوگا۔
*آپ اچھے دوست کے سامنے صرف ہنس سکتے ہیں لیکن آپ اپنے سب سے اچھے دوست کے سامنے ہی بچوں کی مانند رو بھی سکتے ہیں۔
*اچھے دوست ہمیشہ آپ کی فون کی اسپیڈ ڈائل کی فہرست میں ہوتے ہیں جبکہ سب سے اچھے دوست ان لوگوں کی فہرست میں جنہیں آپ نے سب سے آخر میں کال کی ہوتی ہے۔
*اچھا دوست آپ کو اس وقت مدد کی پیشکش کرے گا جب آپ کو ضرورت ہوگی لیکن سب سے اچھا دوست سیدھا آگے بڑھے گا اور آپ کی مدد کر گزرے گا۔
*آپ اپنے اچھے دوست سے بمشکل ہی کبھی لڑتے ہیں لیکن آپ اپنے سب سے اچھے دوست سے سب سے زیادہ لڑتے ہیں اور وہ بھی خطرناک حد تک۔
*جب آپ کسی بحران کا شکار ہوتے ہیں تو اچھا دوست آپ کو صرف مدد اور یقین دہانیوں سے بھرپور ٹیکسٹ میسج کرتا ہے جبکہ سب سے اچھا دوست آپ کو کال کرے گا اور گھنٹوں آپ سے بات کرے گا۔
*اچھے دوست آپ کی فیس بک پر شئیر کی گئی تمام تصاویر کو لائیک کرتے ہیں لیکن سب سے اچھے دوست خود ان تصاویر میں موجود ہوتے ہیں۔
*اچھا دوست اگر مصروف ہونے کے باعث آپ کی کال ریسیو نہیں کرے گا تو دس منٹ میں آپ کو خود کال کرے گا۔ لیکن سب سے اچھا دوست چاہے کچھ بھی ہو سب کچھ درمیان میں ہی چھوڑ کر آپ کی مدد کو پہنچ جائے گا‘ چاہے آپ کہیں بھی ہوں۔
*اچھے دوست چیٹنگ پر بات کرنے کے لیے ہمیشہ دستیاب ہوتے ہیں لیکن پھر بھی آپ اپنے سب سے اچھے دوست کو صبح 4 بجے فون کرتے ہیں اور سورج کے نکلنے تک اس سے بات کرنے میں مصروف رہتے ہیں۔