راجووال (این این آئی )بیوی نے مبینہ طور پر اپنے آشنا اور دیگر ساتھیوں کے ساتھ مل کر شوہر کو زہر دے کر قتل کر دیا۔ ایف آئی آر کے مطابق فیصل پارک کا رہائشی مقتول شاہد، اپنی بیوی طیبہ گیلانی کو کاشف اور عیسی نامی افراد سے ناجائز تعلقات سے باز رکھنے کی کوشش کرتا تھا، جس پر گھریلو جھگڑے شدت اختیار کر گئے۔ اسی رنجش کے نتیجے میں طیبہ نے آشنا عیسی اور کاشف کے ساتھ مل کر شوہر کے قتل کی سازش تیار کی۔
رپورٹ کے مطابق ملزمان نے اسلحہ کے زور پر شاہد کو زہر پلایا، جس سے اس کی حالت غیر ہو گئی۔جسے تشویشناک حالت میں اسپتال منتقل کیا گیا، مگر وہ جانبر نہ ہو سکا۔ مقتول کے بھائی مجاہد علی کی مدعیت میں مقدمہ درج کر لیا گیا ہے۔ابتدائی طور پر طیبہ گیلانی ساتھیوں سمیت موقع واردات سے فرار ہو گئی تھی جسے پولیس نے گرفتار کر لیا ہے۔
