لاہور( این این آئی)قومی احتساب بیورو بیورو نیب نے القادر ٹرسٹ کیس میں سابق خاتون اول بشریٰ بی بی کو 22جون کو طلب کر لیا ۔ نیب کی جانب سے جاری نوٹس میں بشریٰ بی بی کو القادر ٹرسٹ سے متعلقہ دستاویزات ہمراہ لانے کی ہدایت کی گئی ہے ۔ بشریٰ بی بی کو اس سے قبل 13جون کوبھی طلب کیا گیا تھا مگر وہ پیش نہیں ہوئی تھیں۔ نیب کی جانب سے سابق پرنسپل سیکرٹری اعظم خان کو بھی 19جون کو نیب راولپنڈی میں طلب کیا گیا ہے ۔ انہیں بھی اس سے قبل 6جون کو طلب کیا گیا تھا مگر وہ پیش نہیں ہوئے تھے۔

موضوعات:بشریٰ بی بی