کراچی(این این آئی)گزشتہ روز مبینہ طور پر اغواء ہونے والے سماجی کارکن جبران ناصر گھر پہنچ گئے ہیں۔پولیس حکام نے اس بات کی تصدیق کردی ہے ۔خیال رہے کہ جبران ناصرکی اہلیہ اداکارہ منشا پاشا نے شوہر کے مبینہ اغوا پر اندراج مقدمہ کی درخواست کلفٹن تھانے میں جمع کرائی تھی۔

منشا پاشا نے اندراج مقدمہ کی درخواست میں موقف اختیار کیا کہ ڈیفنس فیز5کے قریب سے گزرتے ہوئے ہماری گاڑی سفید ڈبل کیبن سے ٹکرائی، سلور رنگ کی دوسری گاڑی نے ہماری گاڑی کا آگے سے راستہ روکا۔درخواست گزار کے مطابق دونوں گاڑیوں میں تقریبا 15مسلح افراد تھے،میرے شوہر کو مسلح افراد نے زبردستی گاڑی سے اتارا اور ساتھ لے گئے۔پولیس کے مطابق مقدمہ جبران ناصرکی اہلیہ منشاپاشا کی مدعیت میں نامعلوم افراد کے خلاف مقدمہ تھانہ کلفٹن میں درج کیا گیا ہے جس میں اغوا ء کی دفعات شامل کی گئی ہیں۔