اسلام آباد(این این آئی)الیکشن کمیشن آف پاکستان فارن فنڈنگ کیس میں پی ٹی آئی کو جاری شوکاز نوٹس کی سماعت (آج) منگل کی صبح 10 بجے کرے گا۔یہ شوکاز نوٹس پی ٹی آئی کو ہونے والی غیرملکی اور غیرقانونی فنڈنگ ثابت ہونے کے بعد تحریک انصاف کو جاری ہوا تھاجس کا وہ جواب نہیں دے سکی۔ اس شوکاز پر ایک سال سے کارروائی جاری ہے اور پی ٹی آئی الیکشن کمیشن کو ثبوت فراہم کرنے میں ناکام رہی اور کمیشن کو مطمئن نہیں کر سکی اس سلسلے میں (آج) بروز منگل شوکاز نوٹس کی سماعت ہوگی۔ یہ شوکاز نوٹس اگست 2022 میں جاری ہوا تھا جس کے بعد سے پی ٹی آئی مسلسل التوا لے رہی ہے اور اب تک شوکاز نوٹس کا جواب نہیں دے سکی۔