اسلام اباد (این این آئی)سپریم کورٹ کے سامنے پاکستان ڈیموکریٹک موومنٹ (پی ڈی ایم) کے جلسے کے باعث سکیورٹی خدشات سامنے آئے ہیں،ضلعی انتظامیہ اور پولیس نے وفاقی وزیر داخلہ رانا ثنااللہ کو خدشات سے آگاہ کردیا ہے۔

ذرائع کے مطابق وزیر داخلہ کو بتایا گیا کہ سپریم کورٹ کے باہر عوام کے بڑے مجمعے کے جمع ہونے سے سکیورٹی خدشات ہوں گے، ریڈزون میں اہم سرکاری عمارتیں اور سفارت خانے موجود ہیں، احتجاج کے باعث شرپسند عناصر مجمعے کی آڑ میں ریڈ زون میں داخل ہو سکتے ہیں۔دوسری جانب سپریم کورٹ کے اطراف سکیورٹی بڑھادی گئی اور ریڈ زون میں داخلے کے لیے ایک کے سوا تمام راستے بندکر دئیے گئے ۔ ضلع بھر میں پہلے ہی دفعہ 144 اور دفعہ 245 کا نافذ ہے، ریڈزون میں پولیس، ایف سی اور رینجرز کے جوان تعینات کر دی گئی، دفعہ 245 کے تحت اہم عمارتوں کے باہر فوج تعینات ہے۔