لاہور( این این آئی)مرکزی صدر پاکستان تحریک انصاف چودھری پرویزالٰہی نے اسرائیل کی فوج کی بیت المقدس میں روز دارہ نمازیوں پر تشدد کی مذمت کرتے ہوئے کہا ہے کہ پاکستانی حکومت کیوں خاموش ہے اسے بیت المقدس کی بے حرمتی نظر نہیں آ رہی، قومی اسمبلی کے اجلاس میں سب عدلیہ کے خلاف تو لب کشائی کر رہے ہیں لیکن کسی کو توفیق نہیں ہوئی کہ دو لفظ اسرائیلی فوج کے خلاف ہی بول دیتے۔ انہوں نے کہا کہ پاکستانی قوم فلسطینی حکومت اور عوام کے ساتھ ہیں، ہم اسرائیلی فوج کی بربریت کی بھرپور مذمت کرتے ہیں۔ چودھری پرویزالٰہی نے کہا کہ عالمی حقوق کی تنظیموں کی اسرائیلی ظلم و ستم پر آنکھیں کیوں بند ہیں، فلسطین میں عورتوں، بچوں اور بوڑھے روزہ دار نمازیوں کو تشدد کا نشانہ بنایا جا رہا ہے، عالمی قوتیں اسرائیلی بربریت کا نوٹس لیں۔

موضوعات:چودھری پرویزالٰہی