ڈیرہ اسماعیل خان (این این آئی) پولیس نے تحریک انصاف خیبر پختونخواہ کے جنرل سیکرٹری وسابق وفاقی وزیر علی امین گنڈہ پور کو ہائی کورٹ کی بلڈنگ سے گرفتار کر لیا۔علی امین دوپہر سے ہائی کورٹ کی بلڈنگ میں ضمانت کے بہانے چھپے ہوئے تھے۔ڈی پی او عبدالروف بابر قیصرانی کی وارننگ کے بعد علی امین رات ساڑھے سات بجے ہائی کورٹ کے احاطے میں آگئے۔پولیس کی بھاری نفری کی موجودگی میں ڈی پی او نے گرفتار کرلیا۔اس موقع پر وکلا بھی موجود تھے تاہم کارکن نہ ہونے کے برابر تھے۔علی امین گنڈہ پور کو پولیس پر حملے کارسرکار میں مداخلت،سرکاری املاک کو نقصان پہنچانے اور ناجائز اسلحہ پنجاب منتقل کرنے کے جرم میں درج ایف آئی آرز کی بنیاد پر گرفتار کیا گیاہے۔

موضوعات:علی امین گنڈا پور