لاہور(مانیٹرنگ ڈیسک ٗ پی پی آئی)چیئرمین تحریک انصاف عمران خان کے کئی روز سے لاپتہ میڈیا انچارج اظہر مشوانی گھر پہنچ گئے۔میڈیا رپورٹس کے مطابق تحریک انصاف نے اظہر مشوانی کی بازیابی کیلئے آج مظاہروں کی کال دے رکھی تھی۔ اظہر مشوانی نے اپنی ٹویٹ میں کہا ہے کہ

بخیروعافیت گھر واپس پہنچ چکا ہوں، گذشتہ 8 دنوں میں عوام کی دعاوں ، کاوشوں اور سپورٹ نے ساری عمر کیلئے مقروض کر دیا۔انہوں نے مزید کہا کہ دعا ہے کہ تحریک انصاف کے دیگر اسیران جلد اپنی فیمیلیز کے ساتھ افطار کریں۔دوسری جانب تحریک انصاف سنٹرل پنجاب کی سیکرٹری اطلاعات عندلیب عباس نے کہا ہے کہ اظہر مشوانی کا اغوابدترین ریاستی دہشتگردی ہے۔اظہر مشوانی کے اغواکے خلاف پنجاب بھر میں مظاہرے کئے جائیں گے۔انہوں نے کہا کہ امپورٹڈ حکومت نے غریب عوام پر مہنگائی کے پہاڑ گرا دیئے ہیں۔ امپورٹڈ حکومت سستے آٹے کی آڑ میں موت بانٹ اور انسانیت کی تذلیل کر رہی ہے جو قابل مذمت ہے ،مفت آٹے کی آڑ میں عوام اپنی جانوں سے ہاتھ دھو رہے ہیں۔ پی ڈی ایم کرپٹ ٹولے نے ملکی معیشت کا بیڑا غرق کر دیا ہے۔ تحریک انصا ف عوام کے ووٹوں کی طاقت سے اقتدار میں آکر انشائاللہ ملک کو بحرانوں کی اس دلدل سے باہر نکال دے گی۔

موضوعات:اظہر مشوانی