اسلام آباد (این این آئی) پاکستان تحریک انصاف کے چیئرمین عمران خان کو گرفتار کرنے کا پلان بی تیار کرلیا گیا۔تفصیلات کے مطابق عمران خان کو گرفتار کرنے کے لئے پلان بی کے تحت آئی جی اسلام آباد ڈاکٹراکبر ناصر خان کی ہدایت پر خصوصی ٹیم تشکیل دے دی گئی۔اعلی افسران کو ہدایات موصول ہو گئی ہیں، افسران نے گرفتاری کے لئے پلان بی ترتیب دے دیا۔ذرائع کے مطابق عمران خان کو اسلام آباد داخل ہوتے ہی گرفتار کیا جائے گا۔اسلام آباد کے تمام تھانوں کے ایس ایچ اوز کو تحریک انصاف کے کارکنان کی لسٹ تیار کرنے کی ہدایت کی گئی ہے۔پی ٹی آئی کے سرگرم کارکنان کو بھی گرفتار کرنے کا پلان تیارکیا گیا ہے۔عمران خان کے خلاف اسلام آباد کے تھانہ رمنا میں 2مارچ کو دو نئے مقدمات درج کیے گئے تھے۔

موضوعات:عمران خان گرفتار