اسلام آباد (مانیٹرنگ ڈیسک) وزیراعظم آفس پر بھی مہنگائی کے سائے گہرے ہونے لگے، موجودہ فنڈز میں اخراجات پورے نہ ہونے پر مزید بجٹ مانگ لیا۔نجی ٹی وی ڈان نیوز کے مطابق وزیراعظم آفس کی جانب سے فنڈز شہباز شریف کی سرکاری مصروفیات پر اخراجات کیلئے مانگے گئے۔ وزیراعظم ہائوس کی جانب سے بھجوائی گئی سمری میں موقف اختیار کیا گیا ہے کہ موجودہ فنڈز سے اخراجات پورے کرنا مشکل ہو گیا ہے۔ وزارت خزانہ نے باقی ماندہ مالی سال کیلئے مزید ساڑھے 7 کروڑ روپے دینے پر اتفاق کر لیا۔یاد رہے کہ رواں مالی سال کے دوران وزیر اعظم آفس انٹرنل کے اخراجات کیلئے 46کروڑ50لاکھ روپےاور وزیراعظم آفس پبلک کیلئے 52 کروڑ 80لاکھ روپے بجٹ دینے کی تجویز دی گئی تھی۔